Pin-up və ya ideal qadın rəsmləri

30-cu illərin məhşur böhranından zərərçəkmiş “LİFE” jurnalı özü üçün  yenilik etdi. Jurnalın növbəti nömrəsi üz qabığında cazibədar bir qadın rəsmi ilə nəşr edildi. Bunun jurnalın məzmununun heç bir aidiyyatı olmamasına baxmayaraq, ideya uğurlu oldu və bu rəsmlər daha da məhşur oldu.

Termin olaraq bu söz İngilis dilinə 1941 –ci ildə daxil olmuşdur. Lakin buna  baxmayaraq terminin mənşəyi 1890-cı illərə qədər uzanır. "Pin up" şəkilləri əksərən  jurnallardan və ya qəzetlərdən kəsilmiş şəkillər yaxud da açıqca, divar təqvimləri formasında olurdular. Uzun müddət reklamlarda da yer alan bu qızlar dövrünün ən məhşur manekenləri, aktrisaları yaxud da müğənniləri olurdu. 

Bu qızlar arasında Betty Grable daha çox seçilirdi. Onun təsviri olan rəsmlər ikinci dünya müharibəsi dövründə amerikalı əsgərlər arasında çox yayılmışdı.

Bədii olaraq pin-up isə, cazibədar və gözəl bir qadının necə olması lazım olduğuna dair görünüş verən ideal qadın şəkilləridir. Bu tip ideal qadınların ilk nümunələrindən biri, Charles Dana Gibson tərəfindən yaradılıb və Gibson qızı kimi tanınıb. Bənzər simaları hətta Disney-in istehsalı olan cizgi filmlərində də görmək olar.