Heç də uzaq olmayan
keçmişdə, hardasa 13 il bundan əvvəldən 6 il bundan əvvələ qədər ilin 9 ayı baş
çəkməkdən bezmədiyim bir məktəbə gedirdim. Orda oxuduğum 8 ildə 3 direktor
dəyişdi...
 |
| məktəb yaşım çatana kimi məktəbi belə təsəvvür edirdim :) |
Birinci Sərdar
müəllim idi. Məktəbin təməli qoyulandan ora rəhbərlik edirdi. Qeyri-rəsmi mənbələrin məlumatına görə Sərdar müəllim Etibar Məmmədovun qohumu idi. Deməli
bu illər məktəbin əsas çiçəklənmə dövrü idi. Hamı xoşbəxt idi - müəllimindən
tutmuş süpürgəçisinə kimi. Hətta qapıda duran balacaboy Böyükxanım xala belə...
4 ildən sonra məlum
oldu ki bəs məktəbə yeni direktor gəlir və bu xanım YAP üzvüdür,
məktəbidə ona "əri" hədiyyə eliyib. Hədiyyə edib ki, ordan yığdığı
"fond pulu" hesabına məktəbdən heç də uzaqda olmayan bir yerdə
özünə xudmani (3 mərtəbəli) bir daxma tiksin. Bu insan gələn gündən məktəbin
bütün qaydaları kökündən dəyişdi. Birdən birə qapıların hamısı bağlandı, 1ci
mərtəbələrin pəncərələrinə bəzəkli - bəzəkli dəmir reşotkalar vuruldu. Elə 1ci
mərtəbə gözəlcə təmir olundu. Məktəbin adını daşıdığı İlqar Məmmədovun büstü bu
mərtəbəyə layiq görülmədi və məktəbin arxa həyətinə köçməli oldu. Məktəbin sağ
tərəfində olan köməkçi tikiliyə isə (səhv etmirəmsə qazanxana idi) lazımsız
damğası vuruldu və naməlum adamlara satıldı. Elə bu illərdə qapıda duran
balacaboy Böyükxanım xalanın əlində nar çubuğu peyda oldu. Çubuq zərbəsinin ən
çox dadına baxanlar qışda soyuqda dura bilmiyib dərsdən qaçmaq istiyənlər
olurdu.... İnsafla deyə bilərəmki, bu illərdə mənə bir xeyri dəyməsədə birinci
siniflərə gələnlərə ilk gündə 2, 20 vərəq dəftər və qələm verirdilər. Çox
hörmətli, şubası ilə bütün kolidoru süpürən Məlahət xanım ehtiyacı olanlara
hətta pulsuz "ət", ərzaqla kömək edəcəyini də demişdi.
2ildən sonra
məktəbdə ildırım sürəti ilə bir xəbər yayıldıki bəs direktor dəyişir... Əksər
müəllimlər və direktor müavini olan, 8ci riyaziyyat müəllimim belə bunu inkar
etsədə ilin sonunda xəbərin doğru olduğu təstiqləndi. Yeni direktorumuz bizə
təqdim olundu... Hüdür, kişi ədalı, kobud bir qadın. Gəlişi heç nəyi dəyişmədi.
Daha doğrusu yeni direktorun varlığı ilə yoxluğu arasında bir fərq olmadı. 2
ildən sonra o məktəbdən çıxdım.
Artıq 3 ildir ki,
qardaşım həmin məktəbə gedir. Mən məktəbdən çıxandan orda heç bir təmir
aparılmıyıb. Bir neçə dəfə məktəbin 2ci mərtəbəsinə qalxmalı olmuşam. Mənzərə
qorxuncdu. İmkanlı qonaqları üçün Məlahətin hazırlatdığı 1ci mərtəbə nisbətən
yaxşı qalsada digər yerlər xüsusən idman zalı xarabalığa oxşuyur. Bircə söhbət
edən bayquşlar çatmır. Yerə döşənmiş taxtalar illərlə su ilə yuyulmaqdan
çürüyüb. Heydər Əliyev fondunun hesabına tikilən korpusun bütün divarları
çatlıyıb... Hərçənd ki, bu çatlama prosesi o korpus tikiləndən bir neçə həftə
sonra başlamışdı. Qapıda duran balacaboy Böyükxanım xalanın nar çubuğu qalsada,
o ancaq əsas qapıda durub forma geyinməyənləri geri qaytarmaqla
məşğuldur.
Bu illər ərzində dəyişməyən yeganə şey Böyükxanım xalanın boyu oldu...
İndiyə qədər
gördüyüm ən yaxşı direktor isə TT-dir!!!
