"Fələyin dəyirmanı asta üyüdür,
ancaq usta üyüdür.
..Belə asan başa gələn xoşbəxtlik məni
qorxudurdu. Mən təhlükələrlə dolu bir həyat arzulayırdım. Qoy yoluma sualtı
qayalar, keçilməz maneələr çıxsın, mən buna hazıram, təki ömür belə yeknəsəq
keçməsin, qoy qəfil sevinclər, qəfil hadisələr çıxsın qarşıma."
Somerset Moem "Ay və qara qəpik" əsərindən
Romanda bütünlüklə özünü sənətə
vermiş insanın yaratmaq eşqi, Ay kimi əlçatmaz dahilik işığı və onunla müqayisədə
bir qara quruşa dəyməyən bayağı var-dövlət meşşanlığı üz-üzə qoyulur. Əsər dahi fransız rəssamı
Pol Qogenin həyatına improvizasiyadır.
Dahi və xudpəsənd, alicənablıq və rəzillik, istedad və qəddarlıq
– eyni bir şəxsdə bu sifətlərin olması mümkündürmü? Dahiliklə əclaflıq bir
araya sığa bilərmi? Sənətkar yaşadığı cəmiyyətin əxlaq qanunları ilə hesablaşmalıdırmı?
“Yaradıcı adamın içində bir iblis də var” – bu deyim doğrudurmu? Görkəmli
ingilis nasiri S.Moem kitabda bu problemləri bədii bir dillə açıqlayır.
Pol
Qogenin
rəsmlərindən
